ADPU-da I Türkoloji Qurultayın 100 illiyinə həsr olunan beynəlxalq konfrans keçirildi - FOTOLAR

Tenzilerustemhanli.az xəbər verir ki, 14–15 may tarixlərində təşkil olunan konfransda Azərbaycanla yanaşı Türkiyə, Özbəkistan, Qazaxıstan, Qırğızıstan, Koreya, Rusiya və digər ölkələrdən alim və tədqiqatçılar iştirak ediblər.

Tədbirdə çıxış edənlər 1926-cı ildə keçirilmiş Birinci Türkoloji Qurultayın türk dünyasının elmi və mədəni birliyi baxımından tarixi əhəmiyyətini vurğulayıb, ortaq dil, əlifba və terminologiya məsələlərinin bu gün də aktuallığını qoruduğunu bildiriblər.

Konfrans çərçivəsində “Rəqəmsal Türkologiya”, süni intellekt əsaslı dil texnologiyaları, milli dilin qorunması və türk dövlətləri arasında elmi əməkdaşlıq məsələləri müzakirə olunub.