19 İyun 2018, Çərşənbə axşamı - 08:52

Azəri-Türk Qadınlar Birliyinin 22 yaşı tamam olur

İnterpress.az xəbər verir ki, Türkiyədə başda olmaqla bütün Türk Dünyasında geniş qeyd olunan Türkçülük bayramını Azərbaycanda ilk dəfə təmtəraqlı şəkildə qeyd edən Azəri-Türk Qadınlar Birliyinin yaradırlmasından 22 il ötür. ATQB 1996-cı ilin mayın 3-də təsis olunub. Tənzilə Rüstəmxanlının rəhbərliyi ilə fəaliyyətdə olan Azəri-Türk Qadınlar Birliyi bu 22 il ərzində Türk Dünyası ilə bağlı çox önəmli proyektlərə imza atıb.

Tanınmış ictimai xadim Tənzilə Rüstəmxanlının rəhbərlik etdiyi təşkilatın, eyni zamanda, dünyanın bir çox ölkəsində nümayəndəlikləri var. Hər il Türkiyədə ənənə halında qeyd olunan Xocalı həftəsinin memarlarından biri məhz Tənzilə Rüstəmxanlıdır.

Azərbaycanda Nuru Paşa ilə bağlı ilk konfransın, 3 may Türkçülük günü ilə bağlı böyük Şölənin, Kərkük, Təbriz gecələrinin və Türk Dünyasının təbliği ilə bağlı digər mühüm tədbirlərin keçirilməsi məhz Tənzilə Rüstəmxanlının rəhbərlik etdiyi Azəri-Türk Qadınlar Birliyinin adı ilə bağlıdır.

Azəri-Türk Qadınlar Birliyi dünyanın bir çox ölkəsində Qarabağ həqiqətləri, Xocalı soyqırımı və ümumilikdə, Azərbaycan həqiqətlərinin təbliğatına yönəlik tədbirlər keçirib.

Təşkilatın yaradıldığı zaman qarşısına qoyduğu,

– müstəqil Azərbaycan dövlətinin inkişafı və möhkəmlənməsi işində qadınlarımızın daha fəal iştirakına nail olmaq;

– türkçülük ideyalarının yayılması;

– özünüdərk və milli kimliyimizin təbliği ilə bağlı hədəflərinə sadiq qalan ATQB xaricdə yaşayan soydaşlarımızla əlaqələri, xüsusən, informasiya mübadiləsini genişləndirməyə nail olmuşdur.

ATQB sədri Tənzilə Rüstəmxanlının təşkil etdiyi yüzlərlə konfrans, səfər və görüşlər Türk Dünyası ilə əlaqələrin qurulmasında və Azərbaycana qardaş dəstəyinin verilməsində mühim rol oynayıb.

Təşkilat bu gün də Türk Dünyası ilə bağlı fəaliyyətlərini uğurla davam etdir

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Tərtibatçı: WebMark Studio

Tənzilə Rüstəmxanlı

Tənzilə Rüstəmxanlı